VOV.K'Ho- Ƀòn Canh Tiến, sàh Canh Vinh, do là ƀòn geh gal làng bol kòn cau Bơnhàr ơm kis, neh geh tŭ là dùl tàm ală tiah kal ke kơnhoàl Vân Canh, càr Bình Định lài do dê, tŭ do là càr Gia Lai. Do là ƀòn lài do ngềt ngơ̆t ngan, gùng lòt tus tàm do ngài, ồs đèng, gùng lòt ờ hềt geh, điện thoại kung ờ pràn. Mơya tŭ do gùng pa geh lơh tus tơn tàm ƀòn, hìu bơsram, ơdŭ bơsram neh geh ồs đèng, gah phan puh, kơnòm bơsram lòt bơsram gal rơlao. Broă sền gròi, bơcri priă bơh Dà lơgar neh lơh geh bơta pràn ai ală cau pơgru in iang nùs bơto tàm tiah kal ke do in.

VOV.K’Ho- Tàm tiah blàng bràs jat kềng gah dà lềng Cam Lâm, càr Khánh Hoà, Tiah kah kơlôi cau ling Gạc Ma tŭ do ngềt ngơ̆t mờ dờng màng. Tiah do cih kah kir sơnrai bè ală cau ling dà lềng neh khin cha jak chài chơ̆t phi să tàm dơ̆ tam lơh sền gàr gơnoar tờm Dà lơgar tàm bồt dờng Trường Sa pơgăp mờ do 38 nam.

VOV.K’Ho – Bal mờ 17, càr, ƀòn dờng tàm gùt lơgar, ngai 19/3, ală sàh tiah nhàr lơgar đang ù gờl tàm ală càr Dăk Lăk, Lâm Đồng, Quảng Ngãi neh bơyai lơh sơn đờm lam lơh, tờ ù dồ ròt lơh hìu bơsram ơm sa bic tơn bàr kâp.

VOV.K'Ho- Mho ngai (18/3) tàm Hìu duh broă Đảng Dà lơgar, Tổng Ƀí thư ồng Tô Lâm đơng lam dơ̆ pơrjum mìng dùl tơngume bè măy mŏk kwơmàng bơh Mpồl Sồr lơh Dà lơgar bè bơtàu tơngguh jak chài, măy mŏk, tam gơl pa bơceh lơh mờ tam gơl sồ.

VOV.K'Ho- Mho ngai (18/3), Mpồl duh broă Tĕ khà càr Gia Lai yal cồng nha dơ̆ tĕ khà cau ala măt Quôk hội mờ Mpồl duh broă Làng bol ală kâp tơngai lơh broă bơh nam 2026- 2031.

VOV.K’Ho - Tàm Hìu lơh broă Cíñ phủ, Thủ tướng ồng Phạm Minh Chính đơng lam dơ̆ pơrjum Duh broă sùm Cíñ phủ nàng sền sơ wì bơta geh ngan, pơn jat tai sồr lơh, tơnguh mhar tơngai hơ pơrgon lam lơh rơndap broă lơh gùng rơndeh ồs lòt mhar tiah đah tô - tiah đah jum dà lơgar mờ ală rơndap broă lơh gùng rơndeh ồs kuơmàng tàm ală càr, ƀòn dờng.

VOV.K’Ho - Ngai 18/3, Duh broă sùm Tỉñ ủy càr Dăk Lăk tàm jàu broă lơh mờ đảng ủy gơ wèt Tỉñ ủy càr, sền sơ wì cồng nha quý 1 mờ lam lơh kơnòl broă quý 2 nam 2026, mờ jơnau sồr tam gơl mhar gơ gơs bơta tơnguh mhar, lơh ngan lơh geh jơnau kờñ gơguh lơh sa 2 nơm sồ.

VOV.K’Ho – Drim ngai 18/3, tàm Hìu lơh broă Đảng dà lơgar, Duh broă sùm Mpồl sồr lơh dà lơgar bè rơcang lài kơryan sa kuề sa kuà, broă ờ niam, pơhì pơhà bơyai lơh pơrjum tềng đap bơta đơng lam bơh Tổng Ƀí thư ồng Tô Lâm dê, Kwang lam bồ Mpồl sồr lơh nàng cribơyai, ai jơnau đơs bè cồng nha lam lơh broă lơh bơh bồ nam tus tŭ do mờ kơnòl broă tờm 6 nhai bồ nam 2026.

VOV.K’Ho – Drim ngai 18/3, tàm Hìu lơh broă Quôk hội, Anih duh broă Lơh kơnòl broă sùm Quôk hội pơn jat tai pơrjum dơ̆ 2 Dar pơrjum dơ̆ 55 (nhai 3 nam 2026). Tơngume dơ̆ 2 bơh dar pơrjum dê rơp geh lơh tàm 1 ngai mờ nggùl, Anih duh broă Lơh kơnòl broă sùm Quôk hội rơp ai jơnau đơs bè uă rơndap lơh adat kuơmàng, tàm hơ̆ geh rơndap lơh adat Hộ tịc (tam gơl), rơndap lơh Adat càr lơgar (tam gơl).

VOV.K’Ho- Drim ngai 18/3, tàm Hìu lơh broă Củ tịc, Củ tịc lơgar ồng Lương Cường wă Kwang atbồ anih lơh broă ala mat lơgar ndai lơgar Bơtau Campuchia, lơgar Bơtau Saudi Arabia mờ Mpồl bơtiàn Pas gơs Dominica tus jun sră Dà lơgar pơyoa dờp lơh kơnòl broă tàm lơgar Việt Nam.