Tàm hơ̆, tơngu me lơh niam wơl Broă rơndăp ù tiah càr Dăk Lăk tơngai bơh nam 2021 tus 2030, wèt tus nam 2050 geh kwơ màng ngan. Broă rơndăp ù tiah wèt tus broă ai lơh loh làng nùs nhơm kơlôi sơnơng, bơta pràn gơguh lơh sa, là phan tờm tề lam bơtàu tơnguh nàng ai di bơta pràn, hòi jà rơndăp broă lơh mờ bơsong jơh ală tiah gơkòl.

Mờ broă rơndăp lơh jăt jơnau sồr bơh Tổng Ƀí thư, Củ tìk lơgar ồng Tô Lâm dê là: Càr Dăk Lăk pal tam gơl pa bồ tơngoh, bơh broă atbồ ù tiah tus mờ broă bơceh lơh bơta pràn bơtàu tơnguh kwơ màng, ai tơngŏ gơnoar tờm tơrbŏ Tây Nguyên mờ ală tiah lơh sa mờ tiah jăt gah dà lơgar dê. Bơdìh mờ broă rơndăp ù tiah, pơrjum do kung sền wơl mờ ring bal ală jơnau lơh nền tàm pơrjum gơrềng tus mờ khà priă ù, khà măt toh wơl ù, bơcri priă dà lơgar, ai càn priă sa priă cồng ờ uă, prăp gàr niam chài cing mồng, bal mờ bơyai lơh mpồl lơh broă mờ kơrnoăt lơh broă bơh Mpồl duh broă Làng bol càr Dăk Lăk dê.