Tàm dơ̆ pơrjum, Thủ tướng jờng rơ ală broă lơh ngan, cồng nha kwơ màng mờ Đảng ƀộ, Gơnoar atbồ bal mờ Làng bol ƀòn dờng Cần Thơ neh lơh geh tàm tơngai do.

Bŭ lah bè hơ̆, Thủ tướng đơs loh, khà gơguh GRDP ƀòn dờng dê ơm dơ̆ 31 tàm 34 càr ƀòn dờng; gơguh lơh sa tiah lơh sa mờ măi mok – bơ̆t bơtàu ờ hềt gơhòi geh ală gah lơh sa mờ măi mok lơh gơs phan, ngui măi mok pa. Thủ tướng sồr ƀòn dờng Cần Thơ tam gơl bồ tơngoh bơh broă lơh drơng ala tus mờ broă bơceh lơh bơtàu tơnguh. Pal rơcang lài geh jơnau đơs tus mờ ală kơrnoăt, broă lơh krơi is nàng ƀòn dờng lơh pràn ai bơh tàm bơta geh, bơta pràn neh geh lài, tàm hơ̆ uă ngan là bè năng lượng lơh geh wơl, anih ơhò dà lềng ơm mờ tiah drà. Đơs tờm tơnguh me nàng bơtàu tơnguh, Thủ tướng ồng Lê Minh Hưng đơs là broă rơndăp ù tiah là tơngu me tờm ngan nàng hòi jà bơcri priă mờ bơtàu tơnguh lơh sa mpồl bơtiàn. Thủ tướng sồr jal mhar sền wơl, tơrgùm broă rơndăp ù tiah bơh ƀòn dờng dê ai bơh tàm broă rơndăp tơrgùm bal dà lơgar dê, broă rơndăp tiah mờ broă rơndăp ngui ù tiah tus do in.