Củ tịc Quôk hội ồng Trần Thanh Mẫn đơs niam Anih duh broă Jak chài, Măi mok mờ Tiah ơm kis neh lơh gơs niam ngan kơnòl broă bơh tơngai lơh broă Quôk hội khoă XV dê mờ 5 nhai bồ nam 2026. 

Củ tịc Quôk hội pà git, Ƀộ Cíñ trị neh ai lơh jat 9 jơnau lơh nền tàm pơrjum mìng dùl tơngume kuơmàng ngan, tàm hơ̆ geh Jơnau lơh nền tàm pơrjum sồ 57 bè tam gơl pràn bơtàu tơnguh jak chài, măi mok, tam gơl pa bơceh lơh mờ tam gơl sồ dà lơgar. Củ tịc Quôk hội đơs sùm, lơh jat Jơnau lơh nền tàm pơrjum do, Quôk hội neh ai lơh jat jơnau lơh nền tàm pơrjum sồ 193, mờ kung lam lài tàm gah tam gơl sồ, bồ tơngoh jak kòn bơnus lơh gơs AI tàm bơt bơtàu adat boh lam, ală broă lơh bơh Quôk hội dê.