Tơnơ̆ dùl nam lam lơh, càr neh cih dờp uă bơta tam gơl tàm đơng lam, tam gơl sồ mờ tam pà kâp ai kâp hơ đơm in, mơya kung gam uă kal ke bè kwang bàng, priă jền mờ sră pơ àr gơnoar atbồ. 

Tàm pơrjum, ală sàh, sơnah ƀòn neh pơyua 110 jơnau đơs yal ală bơta gơ kòl tàm rơndap broă mpồl kwang bàng lơh broă sră pơ àr gơnoar atbồ, ngan là bơta ờ tơl kwang bàng geh mờng chài lơh broă tàm ală gah măi mok yal tơnggit jơnau, priă jền - kế toán, ù tiah, bơt bơtàu. Uă jơnau đơs đơs là, broă tam pà kâp ờ hềt gơ jat bal wil tơl priă jền mờ jơnau pơlam mờng chài lơh broă dipal. Bulah càr neh bơtơl tai rlau 6 rbô 500 tơmàn đong ai kâp sàh in, uă tiah kung gam ờ hềt ngui geh cồng nha bơnah priă jền geh jàu. Khánh Hòa dan dà lơgar gờñ ai lơh jat gùng dà broă lơh bè priă nhai jat gơnoar broă, ai gơnoar kĭ sră pơrgon lơh broă ờs mờng tàm tơngai bơh chờm mờ lơh sir gùng dà bơsong hìu, ù jơngkah wơl tơnơ̆ rơndap tap sèng mpồl lơh broă sră pơ àr gơnoar atbồ.