Dồ ròt dơ̆ lòt nhơl gơkờñ ngan tàm Lơh chờ kơphê Buôn Ma Thuột dơ̆ 09
Thứ sáu, 14:30, 21/02/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mờ tơngume “Buôn Ma Thuột- Anih tus kơphê dunia dê”, Lơh chờ Kơphê Buôn Ma Thuột dơ̆ 09 geh lơh bơh ngai 09- 13/03 tus rơ̆p geh uă ngan broă lơh duh hồl, ală dơ̆ lòt nhơl gơkờñ ngan drơng năc lòt nhơl tus mờ Dăk Lăk in.
Jăt hơ̆, Lơh chờ Kơphê dơ̆ 09 rơ̆p geh 34 broă lơh dơ̆ lòt nhơl bal mờ uă broă lơh, bè: Rafting was plung lòt gan ñrùh, Lòt sền jòi gŏ mìng tơnggume kơphê, Lòt sền Buôn Đôn- bă ù ndu gơnrơh, Wơl rê mờ brê bơnơm dờng ơning ơnàng Tây Nguyên, Lòt còp nàng gĭt bal mờ rwas mờ cau M’Nông, Chờ pơrlòng was plung chi kơnhoàl Lăk.
Jăt mò Nguyễn Thụy Phương Hiếu, Phó Kwang Lam bồ Sờh Niam chài, Tàp pràn să jan mờ Lòt nhơl càr Dăk Lăk dê yal, càr neh in 3 rbô pang sră dềt ià tê “Gùng lòt lòt nhơl”, bơtòm tơrgùm jơnau yal bè ală broă lơh bơh Lơh chờ kơphê dê kung bè yal loh làng giă lir, anih ală anih lòt còp, ñô sa, blơi phan…Mơkung lơh màh QR-Code nàng năc lòt nhơl in ƀươn pờ sền kơnờm tàm phan sồ, sac rwah tŭ tơngai lòt dipal.
Viết bình luận