Tus bal mpồl lơh broă tàm Ƀàng dờng ngai òr, ƀòn dờng Tuy Hoà, càr Phú Yên, Sờh Niam chài, Tàp pràn să jan mờ Lòt nhơl càr Dăk lăk bơyai lơh ală broă lơh yal broă lơh ờs mờng tàñ ồi yau kòn cau Rơđê dê, broă lơh ù buh kòn cau Mnông dê.

Teh, uh phan teh uh kòn cau dê, đơs pơn đik, niam chài ờs mờng, ală jơnau đơs crih yal bè ù tiah, kòn bơnus càr Dăk Lăk dê. Yal “Jơnau git tam mờ lơh kơphe càr Dăk Lăk”, klài mờ hùc dà kơphe ờ sa priă. Bơyai lơh mini game, pà sră dong kờl ală dơ̆ lòt nhơl, gơl gùng lòt nhơl càr Dăk Lăk dê. Ồng Lại Đức Đại, Phó Kwang Lam bồ Sờh Niam chài, Tàp pràn să jan mờ Lòt nhơl càr Dăk Lăk pà git, ală tơngu me yal, tơrbŏ bal lòt nhơl đah càr Dăk Lăk mờ Phú Yên neh geh ai lơh bơh gờñ, nàng lơh geh uă rơlao tai mpồl broă  lơh di tơnkah 50 nam tơnklàs jơh đah Jum, dà lơgar tơrgùm dùl;pơgồp bal tàm broă lơh pràn lòt nhơl, wèt tus jơnau kờñ lơh gơguh lơh sa rơlao 8% bè jơnau neh geh ai.