Lơh yàng duh khoai nam pa Ất Tỵ tàm Tiah tềl lời wơl kah yau Dà lơgar Hìu duh khoai ƀòn Lạc Giao
Thứ bảy, 06:00, 15/02/2025 Cau mblàng Ndong Brawl/VOV Tây Nguyên Cau mblàng Ndong Brawl/VOV Tây Nguyên
VOV4.K'Ho- Tàm càr Dăk Lăk, Lơh yàng duh khoai nam pa Ất Tỵ neh geh bơyai lơh tàm Tiah tềl lời wơl kah yau Dà lơgar Hìu duh khoai ƀòn Lạc Giao, ƀòn dờng Buôn Ma Thuột, drim òr (14/02), gơhòi gơ jà gal làng bol mờ cau năc tus bal.

Tiah lời wơl rài lài do dà lơgar Hìu duh khoai ƀòn Lạc Giao là tiah duh khoai, kah ală broă lơh dờng màng bơh rài ồng Phan Hộ lài do, do là cau neh lơh hìu duh khoai do, lơh ƀòn tàm rài lài do mờ là tiah dờp kah ưn ngài broă lơh bơh cau lam bồ jòi geh ù tiah lơh dà lơgar Đào Duy Từ, do là cau geh rài bơtau Nguyễn sồr lơh cau atbồ ƀòn Lạc Giao nam 1939.

Dơ̆ lơh yàng Nam pa geh kwơ màng, kờñ răc dan ai dà lơgar pas gơs, làng bol pràn kơl dang; răc dan geh mìu ñhàc niam, kàl lơh sa geh hòn gơs niam, tơnhào uă; răc dan ai làng bol in geh pràn kơl dang, lơngăp lơngai, hờm ram, gơboh gơbài. Broă lơh do lơh kah wơl bè Satềp bơhiàn cau lơgar Việt Nam dê, ai geh nùs nhơm tam klăc bal, hờm ram, nàng kòn sao chu ñàng, pơdơng ală mò ồng lài do, kah tus mờ ưn ngài ală broă lơh dờng màng bơh ală cau jăk rài lài do dê.

Cau mblàng Ndong Brawl/VOV Tây Nguyên

Viết bình luận

TIN CÙNG CHUYÊN MỤC