
Bơh hơ̆ lơh geh bơta pràn nàng càr in pơn jat tai lơh pràn ală broă lơh hòi jà, yal tơngĭt uă, lơh gơ rề uă rlau tai bơta kwơ niam chài ờs mờng bơh ală jơi bơtiàn tàm ƀòn lơgar dê. Tàm qúy 1 nam do, càr Dăk Lăk neh wă 700 rơbô dơ̆ năc lòt nhơl, tàm hơ̆ geh rlau 16 rơbô 500 dơ̆ năc ală lơgar. Kờp jơh priă lơh geh bơh lòt nhơl là rlau 600 tơmàn đong, gơguh mờr 2 dơ̆ pơndrờm dùl tŭ bal mờ nam lài.

Bơta tờm lơh geh bơta gơ hòi gơ jà ai lòt nhơl càr in tàm tơngai pa do là Dơ̆ lơh chờ kơphê mờ ală broă lơh tơngkah kir sơnrai 50 nam tam lơh pha lin Buôn Ma Thuột, tơngklàs càr Dăk Lăk. Tàm pơdờn cồng nha lơh geh, Dăk Lăk pơn jat tai lam lơh uă broă lơh yal tơngĭt uă lòt nhơl; gàr niam ală broă lơh ràng tơlik niam chài cing mồng 2 dơ̆ dùl nhai, drơng lơh ală dơ̆ tàm pơrlòng tàp pràn să jan dờng tàm tiah do mờ tàm gùt lơgar, lơh ngan, lơh pa ală phan bơna lòt nhơl.
Viết bình luận