Sền git Dơ̆ tam lơh Hồ Chí Minh bơh mờr 500 pang rùp, phan lời kir
Thứ tư, 14:52, 09/04/2025 Cau mblàng: K'Duẩn/VOV Cau mblàng: K'Duẩn/VOV
VOV4K.Ho- Ngai òr (08/04), Anih prap ơn Tam lơh Hồ Chí Minh mut lơh ràng tơlik “50 nam mpong ntas sùm jơnau đơs crih khin cha jak chài”, ràng tơlik mờr 500 pang rùp, phan lời kir kah yau kuơmàng.

Ràng tơlik yal tơnggit tus làng bol in 4 bơnah tơngume kuơmàng bè tam lơh Hồ Chí Minh kah yau, mờ ai gŏ wơl rùp hin, sră nggal bè Củ tịc Hồ Chí Minh mờ broă lơh tơngklàs tiah đah jum, tơrgùm dùl dà lơgar, bal mờ ală cồng nha geh pơn rơ bơh ƀòn dờng Hồ Chí Minh dê tàm ală nam do. 

Dơ̆ ràng tơlik geh lơh bơh ngai 08/4 tus jơh ngai 20/5, là dùl tàm ală broă lơh tờm tơngkah kir sơnrai 50 nam Ngai tơngklàs tiah đah jum, tơrgùm dùl dà lơgar (30/4/1975 – 30/4/2025), pơgồp bơnah bơto bơtê bơhiàn kac màng, nùs nhơm kờñ gơboh dà lơgar ai kwang bàng, cau ling mờ làng bol in, ngan là rơnàng cau kơnòm să, tă pơgồp bơta pràn bơt bơtàu dà lơgar bơtàu tơnguh mờ sền gàr kơ̆ dà lơgar. Tàm tơngai geh lơh ràng tơlik, uă broă lơh sền git niam ngan kung geh lơh bè ntrờn lòt hơ đờm gùng bơtô tam lơh, mai bồng bi tơngklàs, phan sa bơh cau ling dê tàm rài tam lơh…

Cau mblàng: K'Duẩn/VOV

Viết bình luận

TIN CÙNG CHUYÊN MỤC