Măng 6/5, ta nkual ƀon têh Điện Biên Phủ, n’gor Điện Biên hŏ geh bôk nau kan njroh mprơ ueh geh ntơ “Điện Biên Phủ-Rnôk nkah nau khlay”. Ntoh nau tâm nar ƀư, wa Nguyễn Văn Hùng, Kruanh n’gâng kan Văn hoá, Thể Thao ndrel Pâl n’aih dŏng âk mông nar gay ma nkah tay 70 năm geh nau dơi Điện Biên Phủ janh dăng. Bah nê ƀư rjăp lơi tay nau tâm lơh tâm di trong, geh nau mhe bah Đảng mpeh văn hoá, nau tâm lơh mpeh nau ơm yau, mât gay ƀư ueh nuih n’hâm rŏng dak, mra roh hoach yor neh dak bah lam dak bah rnoi mpôl Việt Nam janh dăng.

Bôk nau kan njroh mprơ jong 90 mnĭt đah 3 gưl, geh: Lam ƀon lan hăn tâm lơh, Nau mprơ du rach năm XX; ndrel ntŭk tât bah nau đăp mpăn. Bah nê, ntoh nau jru ngăn lơn mpeh nau khlay, nau dăng bah lơh dơi “ntoh lư prăm nkuăl neh, n’goh n’gơ lam ntur neh”. Bôk nau kan geh dŏng nau kan mhe, nkah tay ăp ntil mpeh nau tâm lơh Điện Biên Phủ, leo tât nau khuh răm ueh ang tâm nkuăl geh geh tă tâm lơh kăl e./.