Đại tướng Tô Lâm, Uỷ viên Bộ chính trị, Kruanh n’gâng kan Công an mhe geh nar vơt nŭih kan ntoh măt bah Liên bang Thuỵ sĩ ta Việt Nam Thomas Gass. N’gâng kan Tô Lâm rnê prêh nau tâm boh ueh ngăn bah ntoh măt bah Thuỵ sỹ tâm Việt Nam ndrel bah nŭih kan ntoh măt, hŏ rgop nau khlay tâm nau ntrŭt dăng tâm boh bar dak đah ăp ntŭk kan ƀư tĭng pháp luật bah Thuỵ sỹ.

Kruanh n’gâng kan Tô Lâm đă, rơh tât, bar ding ân n’hao nau tâm nchră ăp gưl, ơm ntrŭt dăng nau tâm nchră ăp nau kan bar ding mpeh nau leo trong ndrel jao nŭih geh mhal tih dôih gŭ drung; ndâk nau kan tâm boh bar ding tâm nau kan đăp mpăn, njrăng, rdâng tih dôih. N’hao nau tâm nchră nau tă blau ƀư tĭng pháp luật, nau gĭt bah phung tih dôih, tâm grop lơh, njrăng, rdâng ăp phung tih dôih rloh rlau neh dak geh tât bar dak./.