Thủ tướng Chính phủ Phạm Minh Chính mhe ký n’gluh an dŏng nău ntrŭnh mpeh n’hao dăng nău rđău kan, leo ƀư rơh thi tốt nghiệp trung học phổ thông n’hanh sơch lăp nti đại học, ntĭm nti nău kan năm 2024.

Tĭng nê, Thủ tướng Chính phủ đă ăp  nhih pah kan tâm ban bộ, nhih pah kan mpeh Chính phủ, Ủy ban nhân dân ăp n’gor, nkual ƀon têh mpeh Trung ương rđău đă grêt dăch, nchrăp ăp dăp, na nê̆ ăp ndơ dŏng; nău lư, nkoch trêng nău lư ân lor nchrăp, năn ngăch, ăp tŏng; mô dơi thơ tha, uănh lhơ,  nta trong dơh an ăp nuĭh râng rơh thi. Ủy ban nhân dân ăp n’gor, nkual ƀon têh nchrăp ăp tŏng mpeh drăp ndơ, nuĭh kan, ăp ndơ dŏng khlay êng ƀa ƀă gay ƀư rơh thi,  lơn lah ăp trong rdâng lơh đah trôk nar krit djơh, tât ndal. Nta trong dơh gay rsong hăn, gŭ sa, rlu rlău an nuĭh râng thi n’hanh rnăk wâl bah nuĭh thi ta ăp ntŭk thi, lơn lah nuĭh râng thi geh nău rêh jêr jŏt, nkual jru, nkual ngai, nkual ƀon lan rnoi mpôl đê̆, mpeh yôk yang n’hanh n’har bri, gôl dak.