Di nkah 134 năm nar deh Kruanh Hồ Chí Minh, lơ 17/5, ăp nkuăl tâm n’gor Dak Nông hŏ ntrơm ƀư nau kan “Tết tăm tơm si mro mrăng nkah gĭt Wa Hồ”, tăm bri rgum, tăm tâm nkhah. N’gor leo nkô̆ nau năm 2024 tăm geh 3.117 ha bri, tâm nar rgŏ jă tăm tơm si geh ƀư tâm nkual ƀon têh Gia Nghĩa, wa Lê Trọng Yên, Groi Kruanh UBND n’gor Dak Nông kuăl jă ăp gưl kan, ăp ntŭk kan ndrel ma lam ƀon lan n’hao nau mĭn, nau nsôih tăm ndrel mât tơm si, mât bri gay rgop nau mât ntŭk ntu gŭ âm, rdâng đah nau ntrơn rgâl trôk nar.

Jêh nar rgŏ jă, rđau kan n’gor Dak Nông ndrel ăp rmôt kan ndrel nŭih ƀon lan tăm bơi tât 1000 tơm sao ôch, dầu rái tâm nkuăl neh têm êp ma nglau thuỷ điện Dak R’Tih, Phường Nghĩa Tân, nkuăl ƀon têh Gia Nghĩa. Ndrel nar, ăp n’gâng kan, ntŭk kan, nkuăl bah lam n’gor Dak Nông ntơm tăm tơm si kơt tĭng nar rgŏ jă “Tết tăm tơm si mro mrăng nkah gĭt Wa Hồ”. Tâm rnôk aơ, mra geh rlau 32 rbăn tơm si geh tăm tâm lam n’gor./.