Ôi 17/5,  Tỉnh uỷ Gia Lai hŏ rnê 50 mpôl, ăp nuĭh  ntoh lư tâm nău kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh. Ăp năm aơ, nău kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh hŏ jêng nău kan way ƀư mbro, dâk êng tâm ăp nău kan bah ăp gưl,  ăp n’gâng kan, nhih pah kan đơn vị.

Bah nê, ntrŭt ntrôl hun hao wăng sa- rêh jêng kon nuĭh ta n’gor ngăch sĭt jêng tay lôch Covid-19. Pah kan rdâk njêng, rmăn glêh tam Đảng n’hanh lam trong kan chính trị dơi n’hao dăng. Ndrel đah nê, n’gor uănh khlay rgâl dơh glêh siƀŭt, n’hao nău dơn kan tâm trong ƀư nău kan ngih dak; nsrôih rgâl mhe pah kan  mât uănh,  n’hao nău tam, nău dơi kan bah nuĭh ƀư siƀŭt ăp gưl. Hŏ geh hang rbăn trong ntĭt leo ƀư uĕh, geh nău tam, blău mhe ta ăp trong kan. Ta tâm nchră, Tỉnh uỷ, UBND n’gor Gia Lai hŏ ntăm an bằng khen 21 mpôl n’hanh 29 nuĭh ntoh lư tâm nău kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh.