Ôi 7/5 ta Tach chưng play n’gor Điện Biên lĕ ƀư nkah gĭt, diễu binh, diễu hành 70 năm Lơh dơi Điện Biên Phủ dŭt têh. Ƀư nkah gĭt, diễu binh, diễu hành ntơm đah 21 tŏng đại bác ta jâng Quốc thiều dak Cộng hòa Xã hội chủ nghĩa Việt Nam. Jêh nĕ lah gưl mpăr bah rmôt ndeh păr kung djôt cờ Đảng, cờ Neh dak mpăr rlău lễ đài.

Jêh nĕ lah ăp nău diễn văn, ntoh ngơi bah Thủ tướng Chính phủ Phạm Minh Chính, ntoh măt tahen Điện Biên, ntoh măt rơh druh ndăm; Ƀư an jao Huân chương Độc lập hạng Nhất an Đảng bộ, n’gâng kan ƀon lan n’hanh nuĭh ƀon lan ăp rnoi nuĭh n’gor Điện Biên n’hanh n’glêh dŭt lah nău ƀư diễu binh, diễu hành dŭt uĕh. Dĭng lĕ rmôt râng diễu bình, diễu hành rlău 12.000 nuĭh. Rmôt ndeh păr kung mpăr rlău ăp ndơ ƀư, di tích lịch sử kơt Đồi A1, Nghĩa trang Đồi A1, Rup ndah lơh dơi Điện Biên Phủ, Bảo tàng Điện Biên Phủ..., tĭng rmôt diễu binh, diễu hành janh dăng hăn lăp tâm lễ đài nkre geh nău ngơi na nê̆ mpơl nău janh dăng dŭt vô địch bah rmôt tâm rnglăp ăp rnoi nuih đah nău rđău bah Đảng Cộng sản Việt Nam n’hanh Kruanh Hồ Chí Minh, ƀư jêng lơh dăng Điện Biên Phủ “Ntoh lư ăp dak-ntoh lư lam ntŭr neh”.