Nar 6/5, Đại tướng Tô Lâm, Bộ trưởng Bộ Công an ndrel Mpôl đại biểu Quốc hội n’gor Hưng Yên hŏ mâp cử tri bah năp rơh hop tâl 7, Quốc hội khóa XV.

Lah ta rơh mâp, Bộ trưởng Tô Lâm lah rjăp, ăp nău rgop bah cử tri nkoch tât nkô̆ nău têh da dê, dŭt dăch dêh n’hanh mpơl nău dơn kan đah neh dak, nkoch nău ŭch rŏng tâm di bah kônh wa cử tri,  kơl nhih pah kan ngih dak geh trong uănh âk ding, lam  lĕ rngôch, grêt dăch tâm dâng n’hanh n’gluh ăp trong nkra hun hao wăng sa- rêh jêng kon nuĭh, n’hao nău dơi tam đăp mpăn  lam rêh jêng kon nuĭh an  ăp rơh kơn ƀon lan. Đah nkô̆ cử tri dăn đă Quốc hội, Chính phủ uănh khlay tay tât trong kơl an đăp mpăn lam rêh jêng kon nuĭh, bảo hiểm y tế, dak  si but săm ji, Bộ trưởng Tô Lâm lah rjăp: Trong kơl đăp  mpăn lam rêh jêng kon nuĭh way dơi Đảng n’hanh Ngih dak he uănh khlay rđău đă tĭng ƀư, lơn lah mpeh nkô̆ nău dak si./.