Ôi lơ 6/5, ta rơh rƀŭn tal 18 (nkô̆ nau), HĐND n’gor Gia Lai ntơm ƀư nau săch ntop tay ndrel mô hôm ân lah đah du đê̆ nŭih geh nau dơi. Ta rơh rƀŭn, wa Lý Minh Thái-Giám đốc n’gâng kan dak si Gia Lai geh 64/67 ntoh măt săch ƀư uỷ viên UBND n’gor Gia Lai. Bah năp nê, nklang khay 3/2024, wa Thái geh UBND n’gor Gia Lai săch ƀư Giám đốc n’gâng kan dak si. Wa Lý Minh Thái, deh năm 1974, lôch nti nai dak si Chuyên khoa II; Cao cấp lý luận chính trị, pah kan tâm ngih dak si ntơm năm 1998 tâm Ngih dak si nkuăl Chư Păh.

Kŏ tâm rơh rƀŭn rơh aơ, 100% ntoh măt HĐND n’gor Gia Lai yor ty tâm ban nau ân rlu kan đah Kruanh Ban Dân tộc (tâm HĐND n’gor) ndrel ân rlu nau kan HĐND n’gor đah Đinh Thị Giang, yor tih nau ntrŭnh mpeh ăp nau ma đảng viên mô dơi ƀư; tih ăp nau ntrŭnh mpeh nau mât, dŏng tơm prăk njrăng rdâng srê Covid-19 tâm Uỷ ban MTTQ Việt Nam./.