Tât aƀaơ, lam  dak hŏ nsrôih rdâk njêng n’hanh nkra geh rlău 264.000 / 274.000 mblâm jay (geh rlău 95% trong nchrăp). Âk n’gor, nkual ƀon têh hŏ geh trong nchrăp ƀư lor, blău mhe, rgum joi tay ăp tơm ndơ ƀư, geh tât mô lah rlău rnoh ngăch. Aơ lah nău lư dơi wa Đỗ Văn Chiến, Kruanh Ủy ban Trung ương MTTQ Việt Nam an gĭt ta Tâm nchră nar 9/7.

Ngih dak n’hanh ăp mpôl kan lam rêh jêng kon nuĭh ntuh kơl 17.800 rmen prăk, rgum geh rlău 100 rbăn tơ̆ nuĭh râng kơl nuĭh ach o rdâk njêng nkra tay jay gŭ. Hŏ geh 18 n’gor ƀư wat jêh. Hôm 16  n’gor mbra ƀư wat jêh tâm khay 8 tât gay mbah rhơn Quốc khánh 2/9 n’hanh Cách mạng khay Pham geh nău dơi. Wa Đỗ Văn Chiến lah rjăp, Trong leo ƀư jut jăng jay truh sat, nkưp nde hŏ rêng lam rnôk âk mpôl kơl kan bah Mặt trận ndrel râng, ntik n’hao suan dăng, rgop pơk hvi tơm ndơ kơl ăp nuĭh geh nău rêh jêr jŏt.