Râng rơh pla n’hơ geh: Tổng Bí thư Tô Lâm, Thủ tướng Chính phủ Phạm Minh Chính, kruanh Quốc hội Trần Thanh Mẫn, ăp đồng chí leo kan, tă leo kan Đảng, Ngih dak n’hanh rlău 3 rbăn đại biểu tât bâh 34 n’gor, nkuăl ƀon têh, ăp doanh nghiệp ta lam dak n’hanh ăp nuĭh năch dak bah dih. Ntoh ngơi ta rơh ntơm pơk, Thủ tướng Phạm Minh Chính knơm an lah, đah nău leo kan bâh Đảng Cộng sản Việt Nam têh dăng, n’hao nău way ơm 80 năm rdâk njêng, mât neh dak n’hanh hun hao neh dak, lĕ trong kan chính trị, ăp gưl kan, ăp n’gâng kan, ăp ntŭk n’hanh lĕ ƀon lan he mbra geh n’hao tay nău tâm rnglăp, nsum soan, du nuih n’hâm, nsrôih ƀư tĭng nău dơi 02 nkô̆ mpŏng kan trong kan tơm 100 năm ma Đảng he ngluh mbơh. Ta rơh lễ, Tổng Bí thư Tô Lâm, Thủ tướng Chính phủ Phạm Minh Chính n’hanh ăp nuĭh leo kan Đảng, Ngih dak lĕ geh ƀư tiưng nău way pơk pet ntơm ƀư pla n’hơ “80 năm njrăng trong đăp mpăn, ueh lăng, hơm răm” vơt rhơn klahgĭt 80 năm Quốc khánh dak Cộng hòa xã hội Chủ nghĩa Việt Nam. Pla n’hơ pơk mpông bâh 9 mông tât 22 mông măng, mbro tâm ăp nar bâh lơ 29/8 tât lĕ lơ 5/9.