Kêng măng 11/12, jêh rnôk ntơm ƀư rơh rƀŭn tal 10, Quốc hội khóa 15, Văn phòng Quốc hội lĕ ƀư rƀŭn mbơh jêh rƀŭn. Rơh rƀŭn tal 10 lĕ geh nău uĕh khlay đah âk luật, Nghị quyết dơi mbơh an têh ngăn bah sa ơm tât aƀaơ. Nău ƀư ndâk njêng pháp luật bah rơh rƀŭn tal 10 lĕ na nê̆ rgâl nghị quyết 66 bah Bộ Chính trị đah đă dŭt năm 2025 ntơm dôh rklaih ntŭk kol mpeh trong ƀư, 2027 dơi đăp mpăn nău pơk dŏng na nao ntrong ƀư n’gâng kan ƀon lan 2 gưl, 2028 jêh trong pháp luật mpeh ntuh kơl, tăch rgâl, rgop ndơ̆ ntŭk ntô ntuh kơl bah Việt Nam geh tâm rmôt 3 dak leo lor ASEAN.

Mpeh nău rƀong hao jêng 2 mrô bah năm 2026 ƀư nău ŭch mhe, nsrôih âk bah lĕ trong chính trị tâm lvang hun hao mhe bah neh dak. Trong bôk năp lah kơl lor tay an ntrôl hao jêng hăn ndrel đah nâp nâl đăp mpăn wăng sa têh, an rgâl mhe mpeh trong ƀư n’hanh geh ntŭk ntuh kơl tăch rgâl dơh, đăp mpăn n’hanh uĕh lăng. Chính phủ an ntrôl ngăch an ăp samƀŭt ntĭm n’hanh ƀư săk rnglăy rĭng uĕh ăp luật n’hanh nghị quyết dơi Quốc hội mbơh an, đăp mpăn ăp trong nău kơl mhe mbra ngăch hăn lăp tâm nău rêh.