Ăp ntŭk kan, ƀon lan an rgum nuih n’hâm lĕ đah nău kan âk gay ƀư uĕh trong kan săch”, aơ lah rjăp bah kruanh n’gor Dak Lak ta rơh rƀŭn rơh tal 2 gay uănh lah ngăch n’hanh mbơh ƀư du đêt nkô̆ nău trong kan săch ĐBQH khóa 16 n’hanh đại biểu HĐND ăp gưl năm kan 2026-2031, ƀư kêng măng 11/12).

Tât aƀaơ, Ủy ban săch n’gor Dak Lak lĕ an trong ntrŭnh pah kan; Trong nchrăp mbơh ƀư trong kan săch; ntrŭnh ndâk njêng ăp tiểu ban: Tiểu ban vật chất, Tiểu ban Thông tin-nkoch trêng, Tiểu ban rnă njrăng, đăp mpăn n’hanh dak si, Tiểu ban nkra nău phong, mbơh tơih, Rmôt kơl kan, Rmôt pah kan bơm ngăch; ndâk njêng plơk thông tin điện tử bah Ủy ban săch n’gor.

Ban ntĭm rđău trong kan săch n’gor Dak Lak lĕ ƀư Rƀŭn nchră mbơh ƀư trong kan săch tĭng trong ƀư na nê̆ ta Ngih N’gor ủy n’hanh trực tuyến ta ntŭk ƀoh 102 xă, phường đah rlău 10.000 đại biểu râng. HĐND n’gor ƀư tiăr nti mbơh ƀư ƀư trong kan săch an 48 xă, phường mpeh bah lơ Dak Lak đah nklăp 400 đại biểu râng. Ủy ban MTTQ Việt Nam n’gor nchrăp ăp nkô̆ nău n’hanh ƀư tâm nchră rơh bôk năp tâm lơ 8/12.

100% ăp xă, phường lĕ mbơh ƀư ngăch ăp nkô̆ nău geh tât soan ăp rơh săch tĭng nău ntrŭnh; jêh nchrăp dăp, nuĭh n’hanh tâm pă rnoh nuĭh dơi nkoch an săch đại biểu HĐND gưl xă n’hanh lĕ ƀư rƀŭn nchră hiệp thương rơh bôk năp.

Tĭng wa Cao Thị Hoài An, Kruanh HĐND n’gor, Kruanh Ủy ban săch n’gor Dak Lak, nar bah aƀaơ tât nar ƀư săch geh rnoh kan dŭt âk, đă Ủy ban săch n’gor pah kan an dŭt khoa học đah nuih n’hâm lĕ đah nău kan têh. Gay ƀư uĕh trong kan săch ĐBQH khóa 16 n’hanh săch đại biểu HĐND ăp gưl năm kan 2026-2031, wa Cao Thị Hòa An đă tĭng nău têh-jêt an di ngăch:

Tŏng ăp gay lĕ rngôch ăp nău kan an soih rah wah n’hanh geh di ngăch. Đă UBND n’gor ơm tâm ôp tâm nchră mbơh an UB săch gưl n’gor ntrŭnh mbơh rnoh ntŭk kan săch, Hội đồng nhân sân n’gor n’hanh săk ăp ntŭk kan săch, rnoh đại biểu HĐND săch ta ăp ntŭk kan. Rgum ntĭm rđău ndâk njêng Mpôl săch đại biểu Quốc hội ta ăp ntŭk kan săch n’hanh mpôl săch đại biểu HĐND n’gor gưl xă bah năp lơ 4/1, tŏng ăp tĭng nău ntrŭnh.