Rmôt kan dơi kan Khánh Hòa dôl rgum soan nkra ăp ntung trong geh pĭch rlâm jêh mih dak bŭk, tâm nĕ Quốc lộ 27C-lvang rlău yôk Khánh Lê-dơi ƀư lor nkra an boăt nthoi đah Nha Trang n’hanh Đà Lạt. Bah lơ 16/11 tât, Quốc lộ 27C djôt dơn 52 ntŭk pĭch rlâm, 35 ntŭk kol lĕ rngôch. N’gor Khánh Hòa lĕ an ntĭl yôk gay đăp mpăn lĕ rngôch n’hanh ndâk ƀư ndal.

Mô knŭng quốc lộ 27C, mih dak bŭk ƀư kol trong hăn ta âk ntŭk bah n’gor Khánh Hòa, lơn lah trong ndeh n’hanh trong ndeh treng. Dĭng lĕ khuch khat đah ntung trong nklăp 1.970 rmen prăk. Jêh dak rhoăt, ăp ntŭk lĕ rgŏ jă dŭt n’hâm ndeh rklư, nuĭh kan gay nkra, rgum nkra ăp ntŭk pĭch rlâm ta tỉnh lộ, trong tâm xă. Tât aƀaơ 28/29 trong geh pĭch rlâm lĕ dơi soih ndeh. Êng Quốc lộ 27C an nkra jêr jŏt yor ntŭk ntô jêr n’hanh măt trong na nao geh tay.