Lĕ êp nŭng nar, ur sai yuh Đinh Thị Lá (29 năm deh) hôm e gơih ndrel đah rlŭk lŭ choih, pơk ƀĭt măt rlŭk xi măng gay ndâk ƀư jay mhe. Yuh rhơn, nău rêh ƀon lan âk năm aơ rngot ngăn, aƀaơ lĕ rgâl da dê. Măng tât, điện ang lĕ ƀon, kon se nteh răk nti samƀŭt, lĕ ƀon răm ngăn:

Rnôk bah năp rwăt măy pơk điện, bah kơi aơ Ngih dak ntop kơl điện măt nar. Aƀaơ 2025 geh điện cao thế ri ndoh ndơ ngih wâl n’hanh điện lĕ uĕh lơn âk năm bah năp.

Ndơ ƀư pă điện an ƀon Canh Tiến geh dĭng lĕ ntuh kơl rlău 9 rmen prăk, ntơm ƀư khay 12/2024 n’hanh jêh lăp dŏng khay 4/2025. Tĭng wa Đinh Văn Tào, Bí thư Chi bộ nkre ƀư Kruanh thôn ƀon Canh Tiến, bah rnôk geh điện, ƀon lan ngăn ngên “rgâl nău rêh”.

Geh điện lĕ dơh an gŭ âm ăp nar, măng, lơn lah ăp mon nti samƀŭt. Bah năp đaơ kônh wa dŭt ŭch geh djăt uănh, geh điện hôm ri âk rnăk năp rwăt tivi uănh n’hanh nti nsơm ăp nu nău mbơh nkoch, kơt dŏng khoa học kỹ thuật mpeh tuch tăm, mât rong.

Ƀon Canh Tiến geh 176 rnăk dŭt âk lah nuĭh Bana n’hanh Chăm. bah du nkual nkhah êng, Canh Tiến dôl geh trong hăn nâp nâl. Ndrel đah điện, ntung trong dơi uănh khlay n’hao nkra. Ntrong leo an neh pơk hvi trong lĕ dơi kônh wa hăn rƀŏng kơl âk. Wa Dương Hiệp Hòa, Kruanh UBND xă Canh Vinh mĭn lah.

Ngih dak drăng điện lah nău ntrŭnh di ngăn nuĭh ƀon ŭch kơl. Ŭnh nar ntŭk tât hun hao wăng sa tât nĕ. Aƀaơ xă dôl rgum gay ndâk njêng ƀon Canh Tiến jêng ƀon pâl nđaih nsum mpôl tĭng ntĭm rđău bah n’gor gay nău ŭch hun hao wăng sa rêh jêng bah ƀon lan.