Ta rơh tât khâl, Tổng Bí thư Tô Lâm mbra ndrel leo rơh tâm mâp gưl têh đah Đảng Cộng sản Việt Nam n’hanh Đảng Nhân dân Cách mạng Lào bâh lơ 1 tât lơ 2/12/2025, tĭng nău jă bâh Tổng Bí thư Ban chấp Hành Trung ưong Đảng Nhân dân Cách Mạng Laò, kruanh dak Cộng hoà Dân chủ nhân dân Laò Thongloun Sisoulith n’hanh i ur. Rơh tât pah kan bâh Tổng Bí thư rơh aơ mbra njêng nău nsrôih mhe an ăp nău tâm kơl kan đah 2 dak  tâm lĕ rngôch ăp trong pah kan. Aơ lah ngoăy tâm âk nău kan nchră nău đah dak bah dih dŭt khlăy bâh Việt Nam tâm năm aơ n’hanh lah rơh tât khâl gưl têh gưl Ngih dak bôk năp tât Lào bâh Tổng Bí thư Tô Lâm đah nău kan mhe. Rơh tât khâl mô dơn mpơl nău kan dơn ngoăy bâh Việt Nam way geh an lor dŭt têh an nău tâm boh kan tâm rnglăp têh khlăy bâh Việt Nam ndrel đah Laò rdâk njêng nău mpŏng kan mhe, ndơ̆ nău tâm boh 2 dak hao mhe đah nău tâm knơm chính trị têh lơn, njêng ăp nău mhe n’hanh ntrôl an hun hao nâp nâl ta nău tâm boh kan 2 dak ta rơh mhe.