Nchrăp lah rlău 680 ngih jay mhe geh ƀư. Ndrel đah Đăk Lăk,rơh ntơm ƀư nău kan ngăch ndăn nkra mhe, ƀư mhe ngih jay kơl an ƀon lan nkual dak buk lĕ geh ƀư ta Gia Lai, Khánh Hoà đŏng đah rnoh prăk dŭt đê̆ lah 170 rkeh prăk/mblâm. Ntơm ƀư geh ƀư tĭng Công điện bâh Thủ tướng Phạm Minh Chính mpeh nău rgŏ jă, mbơh tơih nău kan Quang Trung ngăch ndăn ƀư nkra, ƀư mhe ngih jay an ăp rnăk geh nău khuch khat yor ăp rơh mih sial mhe nơh ta ăp n’gor miền Trung. Tuy An Bắc lah ntŭk UBND n’gor Đăk Lăk tâm rgop đah tahen ƀư rơh ntơm rgŏ jă ngăch ndăn nkra mhe, ƀư mhe ngih jay an ƀon lan geh dak buk mhe nơh. UBND n’gor Đăk Lăk ntrŭnh mbơh tơih ƀư mhe 684 ngih jay, nkra mhe rlău 1.500 ngih n’hanh ƀư 333 ngih nsum tâm rgop đah der njrăng phŭt sial ta thôn, nkual ƀon lan gŭ, đah lĕ rnoh prăk klâp ma 800 rmen prăk.