Ta năp nu nău jêr jŏt, geh âk trôk nar lơh, n’gor Gia Lai dôl ndăn pă ntŭk gŭ mhe an nuĭh ƀon lan ta 16 nkual geh mâp nău âk. N’gor đă ăp ntŭk dôl ndăn đêt trong ƀư, kơl lor trơn ăp rnăk geh jay rlâm n’hanh ơm jêh ntung trong gay nuĭh ƀon lan đăp mpăn nău rêh jŏ jong. Tĭng samƀŭt mbơh bah N’gâng kan tuch tăm mât rong n’hanh Ntŭk ntô gŭ âm mhe mbơh UBND n’gor, Gia Lai mbra trơn ndal 1.861 rnăk ta 16 nkual; tâm nĕ geh 9 nkual bah lơ luh nar (n’gor Bình Định ơm) đah 907 rnăk, n’hanh 7 nkual mpeh bah dâng luh nar, đah 954 rnăk ƀon lan.

Dĭng lĕ prăk ƀư ntŭk gŭ mhe nchrăp rlău 1.840 rmen prăk, gay ndâk ƀư ntung trong, ntop kơl na nê̆ an nuĭh ƀon lan n’hanh ƀư tĭng trong kan sŏk neh. Wa Phạm Anh Tuấn, Kruanh UBND n’gor Gia Lai an gĭt, gay nău ƀư ntŭk gŭ mhe ngăch n’hanh săk rnglăy, ăp ntŭk rhoăt trong mkra, kơp uănh, ƀư trong nchrăp mpeh nău ŭch tâm pă ƀon lan tâm srah. Tâm nĕ, kơl lor trơn ƀon lan mper dak lêng geh jay rlăm.