Ôi 4/12, ta Ntŭk rƀŭn nchră n’gor Gia Lai, Đại hội Đại biểu MTTQ Việt Nam n’gor rơh bôk năp, năm kan 2025-2030 lĕ ntơm ƀư. Lăp tâm năm kan mhe, MTTQ Việt Nam n’gor Gia Lai ƀư 6 bôk nău kan khlay: Rgâl mhe nkoch trêng, nta an tâm ban nău rêh; ntrôl dăng mbơh tơih mrô n’hanh gĭt nău lư; N’hao uĕh groi nđôi, mât uănh nău di; nâp nâl ăp ntrong ƀư ƀon lan ƀư tơm ta bah dâng; Ƀư tĭng săk rnglăy ăp rơh rgŏ jă, ntrong leo tâm rlong nâp nâl.

Ntoh ngơi ntĭm rđău ta Đại hội, Bí thư N’gor ủy Gia Lai Thái Đại Ngọc đă Mặt trận n’gor tâm năm kan tât mât uĕh tay n’gâng tơm tâm ndâk njêng tâm rnglăp lam rnoi nuĭh. Đại hội lĕ tâm nchră đă 134 ủy viên, Ban Rnâng kan geh 9 nuĭh; wa Nguyễn Ngọc Lương, Groi Bí thư n’gor ủy, Kruanh Ủy ban MTTQ Việt nam n’gor năm kan 2024-2029, dơi săch tay mât ƀư Kruanh Ủy ban MTTQ Việt Nam n’gor khóa I. Đại hội tâm nchră đŏng đă Mpôl Đại biểu geh 26 nuĭh râng Đại hội đại biểu lam dak MTTQ Việt Nam năm 2026-2031.