Rnoh kơp bâh ntŭk kan ntĭm nti n’gor Đăk Lăk, lôch rơh mih sial dak buk geh 183/243 ngih nti ta ăp xã mpeh luh nar n’gor Đăk Lăk đă kơl an đah lĕ rnoh 535.830 ndrôm săm ƀŭt. Âk ntŭk kan lĕ hăn ndrel, pă an lĕ rngôch rnoh săm ƀŭt aơ an n’gâng kan ntĭm nti n’gor Đăk Lăk, đah rnoh khlay kơl an klâp ma 8,2 rmen prăk. Lôch geh dơn bâh ăp ntŭk kơl an, bâh lơ 27/11 ndrôm săm ƀŭt lĕ geh ndơ̆ tât ăp ngih nti n’hanh nchrăp ƀư pă lôch ta năp lơ 4/12. Ta rơh mkih sial dak buk bâh lơ 16 tât 22/11, dak buk lĕ buk băm âk xã mpeh luh nar n’gor Đăk Lăk, klôr rdu âk drăp ndơ bâh ƀon lan n’hanh ndrôm sƀ, ndơ dŏng nti bâh kon hoc. Nău ntŭk kan ntĭm nti Đăk Lăk dôl ngăch ndăn ndơ̆ sƀ giáo khoa tât ăp ntŭk geh nău khuch khat, mbra kơl an năm nti ơm geh plơ̆ tay, nkre lah kơl an bah ir geh nău hoach an âk rnă vâl, lôch rnôk lĕ drqăp ndơ geh roh tâm rơh dak buk.