Rƀŏng sĭt 2 xă geh khuch khat hô ngăn tâm rơh dak lip mhe rlău ta mpeh bah lơ luh nar Dak Lak (n’gor Phú Yên ơm), nsum cán bộ, nuĭh kan Ngih pah kan gŭ nkual Tây Nguyên (VOV Tây Nguyên) ndrel du đêt nuĭh lŏng bôk tôr lĕ rgop, an phe tât kônh wa. 200 nklâm ndơ, du nklâm 10kg phe, dơi njuăl tât 200 rnăk ƀon lan ta 2 xă Hòa Thịnh n’hanh Đông Hòa-ăp rnăk geh khuch khat hô ngăn.

Wa Lê Hải Sơn, Giám đốc VOV Tây Nguyên an gĭt, jêh âk nar tĭng ta ntŭk ndơ̆ nu nău dak lip, uănh saơ khuch khat têh bah kônh wa, cán bộ-viên chức tâm ngih pah kan lĕ ndrel ty rgop, rgŏ jă phe gay ntop. Ăp nar bah năp, yor nău kơl soan bah ƀon lan lam dak, nău rêh kônh wa nkual dak lip lĕ đăp mpăn lơn, mô hôm geh nău ji ngot. Bôl ndrĭ, jêh âk nar rdâng đah mì tôm n’hanh dak gri, ăp nuĭh mpŏng geh tay piăng sa hơm ndŭl. Nău jao an phe rơh aơ nuih n’hâm tâm pă, nthoi tay nău way ơm uĕh lăng “Nuĭh geh rgum nuĭh mô geh” bah rnoi nuĭh Việt Nam.