Kêng măng 3/12, ta Nhih pah kan Trung ương Đảng, Tổng Bí thư Tô Lâm ƀư tơm rơh pah kan đah ăp n’gâng kan gay nchră joi trong mât chăm, ntop kơl nuĭh quet nte. Dak he aƀaơ geh nklăp 7,2% rnoh nuĭh lah nuĭh quet nte, tâm ban đah 8 rkeh nuĭh, tâm nê rlău 1 rkeh nuĭh quet nte jru n’hanh dŭt jru, ndrel nklăp 600 rbăn kon se mpeh âk rnoh jru quet nte êng êng.

N’glôch jêh rơh hop, Tổng Bí thư Tô Lâm lah rjăp nău mât chăm an nuĭh quet nte mô dơn geh nkô̆ hôr khlay rŏng nuĭh ma lah mâng weh nău luh rsang rnglay nău gĭt blău, lah ndơ ntrôl hun hao jŏ jong n’hanh lăp rgum dak bah dih. Ăp năm aơ, âk trong nchrăp, trong kơl, trong ntĭt leo ntop kơl, sĭt dăng tay brăt suan, ntĭm nti lăp rgum, trong geh trong rêh hŏ dơi ntik n’hao tay geh nău tam. Tổng Bí thư dăn đă ăp n’gâng kan n’hanh ăp n’gor ƀư wat jêh tay trong nkra, n’hao nău dơi tât đah rhŏ dŏng dak si, sĭt dăng tay brăt suan n’hanh ăp trong kơl ăp tŏng geh nău rêh gay đăp mpăn nău dơi tâm di an nuĭh quet nte.