Lơ 28/8, ta Dak Lak, Ntŭk ntrŭt nsôr pah kan lŏ mir Ngih dak tâm rgop N’gâng kan tuch tăm mât rong n’hanh Hun hao ƀon lan n’gor ƀư rgum nchră mpeh “Trong mkra hun hao trong tâm rgop nkra njêng-Tăch chanh rse nâp nâl”. Lam dak aƀaơ geh rlău 10.000 ha chanh rse, ndơ geh 190.000-220.000 tấn/năm, rgum âk ta Tây Nguyên.

Nklăp 80% ndơ an nkret njêng, tăch n’gluh đah geh prăk rlău 170 rkeh đôlar/năm. Yơn lah, nău kan ndơ aơ hôm rdâng âk ntŭl rlong kơt ntil mô tâm ban, kỹ thuật tăm mô tâm ban, nkret njêng jru đêt n’hanh trong tâm rgop nkra njêng mô nâp nâl. Groi Giám đốc Ntŭk ntrŭt nsôr pah kan lŏ mir Ngih dak Hoàng Văn Hồng năl lah: Chanh rse dơi jêng ndơ rmen đôlar, lơn lah ta ăp ntŭk tăch kơt EU, Mỹ, Úc, Hàn Quốc. Gay gĭt geh, nkra njêng an đăp mpăn uĕh kah tâm ban n’hanh lĕ đah nău kan na nê̆ ta tĭng gưl, bah nĕ pơk dŏng săk rnglăy trong khlay n’hanh pơk hvi ntŭk tăch n’gluh.