Yan klih cà phê năm 2025-2026 tâm Dak Lak dôl geh nau khuch bah bri n’hach jŏ jong ndrel dak buk. Gay đăp mpăn nâp, rnoh geh bah ndơ tăm khay ngăn tâm n’gor, UBND n’gor Dak Lak ntrŭnh nau rđau đă mpeh nau kan klih, ê nkra ndrel tăch cà phê yan 2025-2026, gay đăp mpăn ân săk tam văng sa, nâp mpeh ndơ ndrel hun hao nau tăm cà phê tĭng trong nâp nâl. UBND n’gor Dak Lak ngăn ngên lah rjăp nau đă klih cà phê tĭng tâm di rnôk dŭm, đăp mpăn nau nâp, mô dơi yor bri n’hach ma klih ndrih.

Ăp nkuăl geh rđau đă n’hao nau nkoch trêng, bonh đă ƀon lan mô klih cà phê ndrih, nkân nâp nau rvăy cà phê, rdâng nau rvăt cà phê nse, mô kloh tu tơm, mô đăp mpăn ueh nâp. UBND n’gor Dak Lak đă rmôt công an n’hao nau đăp mpăn tâm yan klih cà phê, nchrăp njrăng, rdâng ma ăp nau ntŭng klih, nchăn rnoh, ƀư n’huch rnoh tăch./.