Di nkah gĭt 70 năm Lơh dơi ta Điện Biên Phủ (7/5), N’gor ủy, HĐND, UBND, Ủy ban MTTQ Việt Nam n’gor Dak Lak lĕ ƀư ăp mpôl tât khâl, an ndơ ăp tahen ơm tă râng tâm lơh ta Điện Biên Phủ dôl gŭ rêh ta n’gor. Ta ăp ntŭk tât khâl, mpôl pah kan lĕ ôp khâl săk soan, nău rêh bah ăp tahen Điện Biên n’hanh djăt rơh u che nkoch nuih n’hâm rlet rlău jêr jŏt, njê gay rgop soan lơh dơi “têh lư ăp dak, mpât n’gơ lam ntŭr neh”.

Kruanh n’gor Dak Lak an gĭt, rơh kơn nar aơ mro mrăng nkah gĭt n’hâm soan têh bah ăp kruanh, cán bộ, tahen, druh ndăm xung phong, dân công hỏa tuyến n’hanh quân dân lam dak lĕ janh dăng tâm lơh, roh săk tâm lơh ta Điện Biên Phủ. Di nkah gĭt 70 năm lơh dơi Điện Biên Phủ, kruanh n’gor Dak Lak njuăl nău mbah rhơn săk soan n’hanh nklâm ndơ tât ăp tahen Điện Biên ndrel rnăk wâl mât uĕh nuih n’hâm tahen Wa Hồ, geh âk nău rgop ndâk njêng n’gor nar lơ hun hao.