Nkah ndray 70 năm lơh dơi Điện Biên Phủ (7/5/1954 - 7/5/2024), ôi 6/5 ta Hà Nội, mpôl ntơh măt kruanh rđău kan, kruanh rđău kan ơm Đảng, Ngih dak tât an kao si n’hanh lăp Lăng weh chop Kruanh Hồ Chí Minh; n’hơr an kao si nkah gĭt ăp tahen ơm dăng janh khĭt tâm lơh tâm su ta trong Bắc Sơn (Ba Đình, Hà Nội).
Bah năp huêng Kruanh Hồ Chí Minh, Mpôl ntơh măt hŏ mpơl nuih n’hâm nkah gĭt dŭt n’hâm, chŭn mbah nkah gĭt ăp n’hâm suan têh kuâng bah Wa đah n’gâng kan cách mạng bah Đảng n’hanh rnoi nuĭh he. Wa hŏ n’groh an lĕ du nău rêh an ƀon lan, an neh dak, têk ndrêng Đảng he, ƀon lan he ƀư jêng geh ăp nău dơi n’gloh ang bah mpôl hăn geh nchih: “Mbro mbrăng nkah gĭt Kruanh Hồ Chí Minh têh kuâng". Lơh dơi Điện Biên Phủ mbro mbrăng lah nău n’hao êng săk, lah tơm suan dăng têh kuâng ntroh nđơr an lam Đảng, lam ƀon lan, lam tahen he mbrôn suan nsrôih tĭng ƀư geh nău dơi Cương lĩnh rdâk njêng neh dak tâm rơh chông rlău hăn tât chủ nghĩa xã hội (kơi ntop n’hanh hun hao năm 2011), Nghị quyết Đại hội đại biểu lam dak tâl XIII bah Đảng, ntơm rdâk n’hanh tĭng ƀư jêng ngăn ngăn nđơr geh hun hao neh dak têh hao, rhơn răm.
Viết bình luận