Nar 03/5, Mpôl pah kan bah Thành ủy, HĐND, UBND, Ủy ban MTTQ Việt Nam nkual ƀon têh Hồ Chí Minh tât khâl n’hanh pă nklâm ndơ ăp nuĭh râng na nê̆ tâm lơh Điện Biên Phủ, nkhêp nkah ndray 70 năm lơh dơi Điện Biên Phủ.

Mpôl hăn hŏ tât khâl wa Phạm Thị Sinh (deh năm 1930, gŭ quận Bình Thạnh), lah dân công hỏa tuyến tâm rơh tâm lơh Điện Biên Phủ. Wa Phạm Thị Sinh dơi ntăm an Huân chương Chiến thắng hạng Nhì, Huân chương. Lôch nê, mpôl hăn hŏ tât khâl wa Nguyễn Đình Xướng (deh năm 1934, gŭ quận Bình Thạnh). Wa  Xướng râng hăn lơh Điện Biên Phủ ntơm bah ăp nar bôk năp tât dŭt jêh. Ntơh măt mpôl đại biểu, Kruanh HĐND nkual ƀon têh Hồ Chí Minh Nguyễn Thị Lệ an gĭt rơh kơn aƀaơ mbro mbrăng nchih nkah n’hâm suan têh kuâng bah ăp kruanh mât bôk tahen, cán bộ, tahen, druh ndăm xung phong, dân công hỏa tuyến n’hanh tahen ƀon lan lam dak hŏ han săk rlăch ndăng, n’groh an tâm rơh tâm lơh Điện Biên Phủ, rgop ƀư jêng geh nău dơi lịch sử tâm rơh mprơh Mỹ kơl neh dak. Wa Nguyễn Thị Lệ mpŏng bar hê che way ngăch dăng, njôm wăr ndrel rnăk wâl, kon său, ntik tay nuih n’hâm tahen wa Hồ, geh tay âk nău rgop gay rdâk njêng nkual  ƀon têh nar lơn ma hun hao./.