Kêng măng nđaơ, N’gâng kan ntung trong lĕ geh nar pah kan đah UBND n’gor Dak Lak mpeh nău mkra ăp wăk kol an ăp nău nchrăp ƀư ntung trong têh ta n’gor aơ. Ta nar pah kan, n’gor Dak Lak lĕ nkoch âk jêr jŏt rnôk mbơh ƀư 2 nău nchrăp ƀư ntung trong têh: trong Hồ Chí Minh trong dêr Đông Buôn Ma Thuột n’hanh Cao tốc Khánh Hòa-Buôn Ma Thuột.

Wa Phạm Ngọc Nghị, Kruanh UBND n’gor Dak Lak dơn nău tih ta năp n’gâng kan tuch trong yor ăp nău nchrăp ƀư ntung trong têh ƀư mbrơi. Kruanh UBND n’gor Dak Lak gĭt saơ geh nău dêr nău trok dơn, klach lĕ đah nău kan bah du đêt nău kan dơi kan n’gor. N’glôn jêh nar pah kan, Groi kruanh N’gâng kan ntung trong Lê Anh Tuấn đă n’gor Dak Lak uănh lơn tât nău mbơh ƀư ăp nău nchrăp ƀư ntung trong têh, ngăn lah trong kan sŏk neh gay ntrôl ngăch. Rnôk aơ lĕ êp tâm yan mih, neh gay ƀư trong lơ ŭch.