Lơ 10/7, Ƀư tơm rơh rƀŭn tal 47 bah Ủy ban Thường vụ Quốc hội, Kruanh Quốc hội Trần Thanh Mẫn đă rgum ndâk njêng bôk nău kan pháp luật, rgâl mhe têh n’ăp mpeh nkô̆ nău, trong ƀư n’hanh uĕh nâp gay mĭn lah ƀư tơm leo ntĭm, nâp nâl bah Quốc hội n’hanh Chính phủ, ƀư jêng n’gâng tơm an lvang hun hao mhe.

Dôl uănh lah mpeh dự thảo mbơh jêh uănh nđôi bôk nău kan; “Nău ƀư tĭng nău kơl, pháp luật mpeh hun hao n’hanh dŏng nuĭh kan tâm di nău ŭch hun hao wăng sa-rêh jêng, ngăn lah nuĭh kan gĭt blău âk”; Nkra bôk nău kan lập pháp năm 2025; an rgop mpeh nău n’glôn jêh Rơh rƀŭn tal 9 n’hanh nău rgop bôk năp mpeh nău nchrăp Rơh rƀŭn tal 10... Kruanh Quốc hội an lah, khay tât lah ăp khay n’glêh dŭt bah năm kan Quốc hội khóa XV, ăp ngih pah kan bah Quốc hội an tâm rgop rjăp đah Chính phủ, ăp ngih pah kan geh tât, rgum jêh ăp nău kan dơi jao tâm bôk nău kan, trong nchrăp lĕ n’gluh an bah năm 2025 n’hanh lĕ năm kan./.