Tâm nchră Bộ trưởng tâl 18 mpeh buăt nthoi wăng sa Việt Nam - Singapore hŏ ƀư ta Singapore ta nâm nău ndrel ƀư tơm bah Bộ trưởng Bộ Kế hoạch n’hanh Đầu tư wa Nguyễn Chí Dũng n’hanh Bộ trưởng tâl bar Bộ Công nghiệp n’hanh Thương mại nkre ƀư Bộ trưởng tơm nuĭh kan Singapore, wa Tan See Leng.

Ta Tâm nchră dja, bar ding tâm mbơh nsum n’hanh tâm ôp mpeh du đêt nău dơi hŏ geh kơp ntơm bah tâm nchră Bộ trưởng tâl 17 ta Hà Nội ta Việt Nam, ntơm bah khay 8/2023 tât aƀaơ, lĕ ma: rnoh ngăch rdâk njêng trong nchrăp an ƀư tâm boh wăng sa nđĭr uĕh – wăng sa mbrô; lôch jêh tâm boh tâm trong kan rgâl blău mhe. Ma tâm nchră Bộ trưởng mpeh buăt nthoi wăng sa Việt Nam - Singapore tâl 18, Việt Nam hŏ lah rjăp ăp nău mĭn mpeh tâm boh tâm trong kan wăng sa đah Singapore gay ƀư jru hvi lơn đŏng tâm boh têh jong đah bar dak; dăn đă mpeh Singapore nsrôih kan nsum an tĭng ƀư ăp trong blău mhe tâm trôm nău tâm ton buăt nthoi; ntrŭt nsôr ăp doanh nghiệp Singapore n’gluh ăp nău dăn đă tâm boh mhe n’hanh n’hao dăng ntuh kơl tâm Việt Nam.