Geh nău đă kan bâh n’gâng kan công an, ôi lơ 20/9, Đại tá Vũ Hồng Quang, Giám đốc Công an n’gor Cao Bằng lĕ pă rnoh prăk 2 rmen prăk bâh rnoh prăk Quỹ Nghĩa tình đồng đội Công an nhân dân, kơl an ƀon lan geh nău khuch khat yor phŭt sial mbrô 3 ƀư khuch ta n’gor. Aơ lah ăp nău rŏng ueh bâh cán bộ, tahen tâm lam mpôl kan công an njoăl tât ƀon lan nkual geh dak buk, gay ma ntop rgŏ jă nuĭh ƀon lan bah ir geh nău jêr jŏt, ngăch đăp mpăn nău rêh jêng. ndơn kan an n’gâng kan Công an, Đại tá Vũ Hồng Quang ŭch đah nău kan nsum, UBMTTQ Việt Nam n’gor Cao Bằng mbra pă rnoh kơl an tât di nuĭh, mât đăp mpăn kloh ueh, kloh rjăp. Tât aƀaơ, UBMTTQ Việt Nam n’gor Cao Bằng lĕ geh dơn ăp rnoh kơl an tâm dak n’hanh dak bah dih rlău 134 rmen prăk, rlău 115 tấn phe n’hanh klâp ma 300 tấn ndơ dŏng khlăy.