Lam n’gor Dak Lak rnôk aơ geh 100 ntŭk mra geh rluh. N’gor dôl ndâk ăp nau kan rdâng đah nau tât khuch. Bah nau kơp uănh bah N’gâng kan tuch tăm ndrel hun hao ƀon lan Dak Lak, tâm n’gor geh 100 ntŭk mra geh rluh đah nau tât êng êng. Nchrăp tâm ăp nar tât, yor nau khuch bah phŭt mrô 4, tâm Dak Lak lŏ geh mih bah găp, mih têh.

Rnoh mih geh ntơm 20-40 mm, geh ntŭk rlau 40 mm, nau khuch dak rchoh tâm ăp dak me, dak jăng rluh neh tâm chrăng yôk geh neh đang, mô nâp ndrel êp meng dak me bah ăp nkuăl: Ea Súp, Ea Hleo, Krông Búk, Cư M’gar, Cư Kuin, Buôn Đôn. Wa Nguyễn Hoài Dương, Giám đốc N’gâng kan tuch tăm ndrel hun hao ƀon lan n’gor Dak Lak mbơh, UBND n’gor hŏ geh nau ntrŭnh đă ăp nkuăl uănh n’hêl nau tât bah mih n’hach gay geh nau kan rdâng năn./.