Ƀư tĭng Bôk nău pah kan lĕ rngôch, rơh rƀŭn nchră tal 10 BCH Trung ương Đảng khóa 13 rƀŭn nchră bâh lơ 18/9 tât lơ 20/9/2024 ta thủ đô Hà Nội. Rơh rƀŭn nchră tal 10 BCH Trung ương Đảng khóa 13 lĕ tâm nchră, an tâm rgop nău mpeh ăp nkô̆ nău: Nău nchrăp mbơh tơih chính trị bâh BCH Trung ương Đảng khóa 13, nău nchrăp mbơh tơih nglôch lôch du đê̆ nău lý luận n’hanh nău ngăn mpeh nău kan rgâl mhe tĭng trong xã hội chủ nghĩa tâm 40 năm ba năp ta Việt Nam, nău nchrăp mbơh tơih bâh BCH Trung ương Đảng khóa 13 mpeh nglôch lôch nău kan rdâk njêng Đảng n’hanh ƀư tĭng Điều lệ Đảng, nău nchrăp mbơh tơih uănh năl 5 năm kan ƀư tĭng trong kan hun hao wăng sa- rêh jêng 10 năm 2021-2030, trong kan, nău kan hun hao wăng sa- rêh jêng 5 năm 2026-2030, nău mbơh tơih nglôch lôch ƀư tĭng nău way săch kruanh tâm Đảng ntrŭnh nkre lah Quyết định mbrô 244/QĐ/TW, lơ 9/6/2014 bâh BCH Trung ương Đảng khóa 13 n’hanh trong pah kan nuĭh leo kan BCH Trung ương Đảng khóa 14, mbơh tơih nău nchrăp kan n’gâng kan Chính trị, Ban bí thư khóa 14, năm kan 2026-2031, ntop tay nău nchrăp kan bâh BCH Trung ương Đảng khóa 14, năm kan 2026-2031, mbơh tơih nău ƀư tĭng nău nchrăp kan hun hao wăng sa- rêh jêng năm 2024, nchrăp nău kan hun hao wăng sa- rêh jêng năm 2025, mbơh tơih uănh năl ƀư tĭng nău ngăn tơm prăk ngih dak năm 2024, nău nchrăp tơm prăk ngih dak năm 2025, nău nchrăp tơm prăk ngih dak 3 năm bâh ngih dak 2025-2027, nău ntrŭnh ntuh kơl ƀư trong trong hăn ngăch bâh Bắc-Nam, nău ntrŭnh njêng nkuăl ƀon têh Huế bâh trung ương mât uănh, ntop săch Ủy viên Ủy ban Kiểm tra Trung ương khóa 13 n’hanh du đê̆ nkô̆ nău kan khlăy êng.

Đồng chí Tổng Bí thư, kruanh dak Tô Lâm leo kan n’hanh geh nău ntoh ngơi khlăy ta rơh ntơm pơk, rơh nglôch lôch rƀŭn nchră.