Kêng măng lơ 20/9, Kruanh Ủy ban Trung ương MTTQ Việt Nam Đỗ Văn Chiến lĕ geh dơn nău kơl an bâh mpôl kan bâh n’gâng kan nchră nău đah dak bah dih, ăp ntŭk kan ndơn kan nchră nău đah dak bah dih n’hanh doanh nghiệp tâm n’hanh bah dih dak tât pă kơl an ƀon lan geh nău khuch khat bâh phŭt sial mbrô 3 ƀư. Kơt nĕ, kơp tât 5 mông kêng măng lơ 20/9, rnâng kan rgŏ jă vơt kơl bâh trung ương lĕ geh dơn rnoh prăk tâm kơl lah 1.628 rmen prăk. 

Bâh rnoh prăk geh dơn, Rnâng kan rgŏ jă tâm kơl bâh trung ương lĕ pă 1.035 rmen prăk tât 26 ntŭk gay ma ndâk nsơm nău khuch khat. Ntoh ngơi ta rơh vơt dơn, kruanh Ủy ban trung ương MTTQ Việt Nam Đỗ Văn Chiến mpơl nău rhơn rnôk geh dơn ăp rnoh prăk kơl an dŭt khlăy bâh ăp doanh nghiệp, ntŭk kan n’hanh nuĭh kan kơl an ƀon lan geh nău khuch khat yor mih sial mbrô 3 ƀư. Njoăl nău lah ueh dŭt n’hâm tât đah Đại sứ quán dơn kan lĕ rngôch Trung Quốc ta Việt Nam, Đại sứ Thái Lan ta Việt Nam, ăp doanh nghiệp lĕ rngôch nuĭh Việt Nam gŭ ta Thái Lan, nuĭh Việt Nam gŭ ta Ucraine n’hanh ƀon lan Việt Nam he gŭt ta dak bah dih, wa Đỗ Văn Chiến ton dŏng ăp rnoh prăk kơl an sŏng dăng tât nkual geh nău khuch khat yor phŭt sial yagi ƀư, dŏng di nkô̆ dŏng, geh săk rnglăy, kloh rjăp, na nê̆, geh nău uănh kơp bâh ƀon lan n’hanh lam ntŭk rêh jêng.