Kêng măng 19/9, ta Nhih pah kan Trung ương Đảng, Tổng Bí thư, Kruanh dak Tô Lâm hŏ wơt dêh bên Đại sứ Cuba ta Việt Nam Orlando Nicolas Hernandez Guillen. Tổng Bí thư, Kruanh dak Tô Lâm mpơl nău di nuih n’hâm bah năp hun hao uĕh lăng đah bar dak; lah rjăp Việt Nam du trong uănh khlay tâm boh, tâm rnglăp mha êng đah bar đảng, bar dak n’hanh ƀon lan bar dak. 

Tổng Bí thư, Kruanh dak Tô Lâm lah uĕh nău jă gưl Ngih dak tât Cuba bah Bí thư bôk năp, Kruanh dak Miguel Diaz-Canel, mpơl nău ŭch rŏng hăn khâl rdâk tay nău nsing nơm, êt lhăt lơn đŏng nău tâm rnglăp krêp dêh đah bar rnoi nuĭh; n’hao nău dơi tam tâm boh, n’hao tâm boh Việt Nam - Cuba hao du rơh mhe, hun hao ngăn ngăn n’hanh jŏ jong. Đại sứ Orlando Nicolas Hernandez Guillen mpơl nău rhơn dơi mâp tay Tổng Bí thư, Kruanh dak Tô Lâm lor rnôk hăn khâl geh nău ntĭt lịch sử đah bar dak; lah rjăp Đảng, Ngih dak n’hanh ƀon lan Cuba way tĭng groi nđôi n’hanh rnê âk nău dơi bah bơi 40 năm rgâl mhe ta nâm nău rđău kan bah Đảng Cộng sản Việt Nam mât bôk lah Tổng Bí thư, Kruanh dak Tô Lâm.