Kêng măng (14/7), ta Nhih pah kan Chính phủ, Thủ tướng Phạm Minh Chính wơt wa Masayuki Omoto, Tổng Giám đốc Tập đoàn Marubeni (Nhật Bản) dôl khâl pah kan ta Việt Nam gay ntrŭt ntrôl tâm boh, ntuh kơl tăch rgâl. Aƀaơ Tập đoàn Marubeni ntuh kơl tâm trong kan nhiệt điện si ônh, tăch n’gluh ăp ndơ geh ƀư bah Việt Nam.

Thủ tướng Phạm Minh Chính rhơn rnê rnôk Marubeni sơch Việt Nam lah ntŭk gŭ kan wăng sa khlay ta nkual Đông Nam Á, an lah nău dja tâm di đah trong nchrăp hun hao wăng sa tâm boh dak bah dih bah Việt Nam, lơn lah wăch rgum ntuh kơl bah ăp doanh nghiệp Nhật Bản. Thủ tướng mpŏng Marubeni pơk hvi tay ăp nhih máy nhiệt điện khí; nkre, tâm boh đah Tập đoàn Petrovietnam tâm trong kan điện sial nklang dak lêng gay tăch n’gluh điện an ăp dak ASEAN. Thủ tướng ŭch rŏng Marubeni ntop kơl gay cà-phê n’hanh phe Việt Nam tăch n’gluh âk tât Nhật Bản tâm ban kơt ăp ntŭk lam ntŭr neh đŏng; Nhật Bản mbra rvăt n’glăp âk ndơ ngêt sa, play do bah Việt Nam.