Ôi 3/5, Tỉnh uỷ Gia Lai ƀư nkhôm rnê rơh tâm rlong joi gĭt “70 năm lơh dơi Điện Biên Phủ” n’hanh 65 năm nar pơk trong Hồ Chí Minh- Nar way ơm tahen Trường Sơn.

Lôch 2 khay an ƀư, rơh tâm rlong hŏ dơn geh 450.000 tơ̆ nuĭh râng bah ăp rơh kơn ƀon lan, cán bộ, đảng viên n’hanh ăp  đảng bộ tâm n’gor. Tâm 2 khay,  rơh tâm rlong dơi ƀư jêng 8 rơh tâm rlong tĭng trong ƀư trắc nghiệm pơk sŏng dăng, rĭng ăp rơh geh 56.000 tơ̆ nuĭh râng. Nkô̆ ăp nău ôp rgum tâm nkô̆ nău “Điện Biên Phủ, trong Hồ Chí Minh – Nău mĭn rôih dăng, bôk rngok gĭt blău Việt Nam", đah ăp n’gâng tơm, nar têh khlay kăl e n’hanh ăp nău dơi dăng janh bah tahen n’hanh ƀon lan he  tâm rơh lơh Prăng lăp tŭn jot ma chông  yôch  lah lơh dơi Điện Biên Phủ; ndrel đah nê lah nkô̆ hôr têh kuâng bah njăr trong jêng nău nkoch Hồ Chí Minh.