Ôi 3/5, ta Sân vận động nkual ƀon têh Điện Biên Phủ hŏ ƀư bôk nău kan ŭch dơn lor bôk năp nkah ndray 70 năm lơh dơi Điện Biên Phủ. Wa Nguyễn Trọng Nghĩa, Kruanh Ban Tuyên giáo Trung ương ƀư  tơm bôk nău kan dơn uănh lor.

 Ntŭk rgum tơm khlay bah bôk nău kan lah gâl n’grĭng tahen, ntroh hăn ntơm bôk đah ăp biên đội trực thăng năp phao bleo Quân chủng Phòng không – không quân, tahen ƀon lan Việt Nam yông cờ Đảng, cờ Tổ quốc Việt Nam. Lôch nê lah rmôt n’grĭng tahen, ntroh hăn đah 40 mpôl, bah ndeh ƀư rup Quốc huy; Mpôl cờ Đảng, cờ Tổ quốc; ndeh wơt rup Kruanh Hồ Chí Minh; ndeh ntĭt 70 năm lơh dơi Điện Biên Phủ; ndeh chỉ huy, ndeh rmôt quân kỳ lam tahen; mpôl bu ur quân nhạc; Mpôl tahen Điện Biên... Lôch bôk nău kan ŭch dơn lor gưl ngih dak, Lễ n’grĭng tahen, ntroh hăn nkah ndray 70 năm lơh dơi Điện Biên Phủ mbra dơi ŭch dơn lĕ rngôch tâm nar 5/5 n’hanh ƀư lễ ngăn tâm nar 7/5.