Ôi 3/5, Thanh tra Ủy ban Dân tộc hŏ mbơh nău n’glêh an hăn ôp uănh nău tĭng ƀư rnoh tât hun hao wăng sa- rêh jêng kon nuĭh gưl neh dak nkual rnoi mpôl đê̆ n’hanh mpeh yôk yang ta n’gor Dak Lak. Lvang năm 2021-2023, trong nchrăp sŏk dŏng  prăk Trung ương jao tĭng ƀư bôk  nău kan gưl neh dak  ta n’gor Dak  Lak bơi 1 rbăn 500 rmen prăk, ngân sách n’gor rlău 130 rmen prăk.

Yơn lah, n’gor mhe n’gluh rlău 800 rmen prăk dơm. Nău n’gluh tơm prăk mbrơi hŏ khuch têh tât pah kan an ƀư ăp trong nchrăp kan ta n’gor. Tĭng nău n’glêh an hăn ôp uănh dơi mbơh. Mpôl hăn ôp uănh nău tĭng ƀư bôk nău kan hun hao wăng sa- rêh jêng kon nuĭh gưl neh dak nkual rnoi mpôl đê̆ n’hanh mpeh yôk yang ta n’gor Dak Lak geh 6 nuĭh. Jŏ tâm 45 nar pah kan ngăn ngăn, kơp ntơm bah nar mbơh nău n’glêh an hăn ôp uănh, mpôl hăn mbra geh nău dăn đă mbơh, pă an nău lư siƀŭt kơi ntop tay mpeh nău tĭng ƀư bôk nău kan bah năm 2021 tât lĕ  năm 2023.