Tâm ntŭk ƀư nau pâl n’aih Tam Chúc, nkuăl Kim Bảng, n’gor Hà Nam, Kruanh Quốc hội Vương Đình Huệ hŏ râng nar ƀư du pơh Văn hoá, pâl n’aih Hà Nam năm 2023 ndrel Bôk nau kan tâm n’ur văn hoá njroh mprơ Việt Nam-Nhật Bản. Aơ lah nau kan khlay rƀŏng tât di nkah 50 năm ndâk nau tâm boh nchră nau Việt Nam-Nhật Bản, rgop nau rnê ngăn nau vay ơm văn hoá, nthoi nau tâm boh kan nsum, nâp nâl bah bar neh dak, đah n’gor Hà Nam ndrel ăp nkuăl, ƀư nau kan Nhật Bản.

Tâm nar rƀŭn, Kruanh Quốc hội Vương Đình Huệ hŏ ntoh măt rđau kan Đảng, Ngih dak pă nau ntrŭnh kơp dơn 2 ntil ndơ bah neh dak ân n’gor Hà Nam. Nê lah ndơ khlay gưl neh dak Bia lŭ chùa Giàu tâm xã Đinh Xá, nkuăl ƀon têh Phủ Lý ndrel ndơ ơm khlay neh dak Gâr kông Tiên Nội 1 (tâm ăp 16 mlâm bah Bảo tàng n’gor Hà Nam. Nkre lah, N’gâng kan Văn hoá, Thể thao ndrel Pâl n’aih hŏ pă nau dăp rgum ndơ ơm yau gưl kan neh dak đah 4 ntŭk ơm yau bah Hà Nam./.