Kêng măng 24/4, ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh tâm nchră mpeh hun hao tơm nuĭh kan rhŏ dŏng an công nghiệp bán dẫn. Lah ta rnôk tâm nchră, Thủ tướng Phạm Minh Chính lah rjăp, hun hao công nghiệp bán dẫn lah trong sơch têh jong bah dak he.

Gay hun hao n’gâng kan công nghiệp bán dẫn, Việt Nam ân geh du trong nchrăp jong lam lĕ rngôch, lĕ ma ăp trong kơl mha êng, ntĭm nti tơm nuĭh kan săk blău âk, rdâk njêng ntŭk ntô ndơ dŏng têh uĕh mhe n’hanh ntrŭt ntrôl gŭ mĭn n’hanh hun hao. Mpeh nău dơn kan, trong nkra rgum tơm  tâm let năp tay, Thủ tướng Chính phủ rđău đă ndăn ƀư rdâk njêng, lôch jêh trong tĭng, trong kơl mha êng, mpeh ntĭm nti  tơm nuĭh kan rhŏ dŏng an công nghiệp bán dẫn; ntuh kơl dŏng an ntĭm nti tơm nuĭh kan bán dẫn; ntĭm nti rmôt nai ntĭm, giảng viên n’hanh giáo trình tâm di; geh trong rƀŏng hun hao tơm nuĭh kan công nghiệp bán dẫn tât dăch n’hanh đăt ndal lĕ ma ta năp măt n’hanh jŏ jong./.